Feeds:
Posts
ಟಿಪ್ಪಣಿಗಳು

Posts Tagged ‘hanigathegalu’

೧. ಆಸೆಯೇ ಸುಖಕ್ಕೆ ಮೂಲ. ದುರಾಸೆಯೇ ದುಃಖಕ್ಕೆ ಮೂಲ.

೨. ಆನೆ, ಅಡಿಕೆ ಕದ್ದರೆ ಬಂದೀಖಾನೆ. ಮನಸು, ಹೃದಯ ಕದ್ದರೆ ಸಂಸಾರವೆಂಬ ಬಂದೀಖಾನೆ.

೩. ಕಡಲಿಗೆ ತೀರದ ತೆಂಗಿನ ಮರವೇರುವ ಆಸೆ. ಪ್ರಾಣ ಸ್ನೇಹಿತನಾದ ಗಾಳಿಯಲ್ಲಿ ದಿನವೂ ಹೇಳುವುದೊಂದೇ, ಒಮ್ಮೆ ತಲುಪಿಸಿಬಿಡು.

೪. ಹುಡುಗಿಯೆಂದರೆ ಮಳೆಯಂತೆ. ಸುರಿಯುವ ಮುನ್ನ ಗುಡುಗು, ಸಿಡಿಲು ಗ್ಯಾರಂಟಿ.

೫. ಅಂದಿನ ಮದುವೆ ಒಂದು ವಾಕ್ಯದಲಿ ಅನ್ನೋದಾದ್ರೆ – ಕದ್ದು ಕದ್ದು ನೋಡಬೇಕೆನಿಸುತಿದೆ. ಕುಡಿಮೀಸೆಯ ನೋಟಕೆ ತಲೆಬಾಗಿದೆ.

೬. ನೀನು ನನ್ನವಳಾದರೆ ನನ್ನ ಬಾಳು ಹಾಲು ಸಕ್ಕರೆ. ಇಲ್ಲದಿದ್ರೆ ಹಾಳು ಸಕ್ಕರೆ.

೭. ನಾನು, ನನ್ನದು, ನನ್ನಿಂದ ಎನ್ನುವುದನ್ನು ಬಿಡಿ. ನಾವು, ನಮ್ಮದು, ನಮ್ಮಿಂದ ಎಂದು ಸಂತೋಷ ಪಡಿ.

೮. ನನ್ನ ಮನಸು ನಿನ್ನ ಮನಸಿಗಂದಿತು ಒಮ್ಮೆ ಸನಿಹ ಬಂದು ಬಿಡು. ನಿನ್ನ ಮನಸುತ್ತರಿಸಿತು ನಾನು ಇಂದಿನಿಂದ ಕುರುಡು.

೯. ಕದಿಯಲಾಗದ, ಕೊಟ್ಟಷ್ಟು ಅಧಿಕವಾಗುವ, ಕೊನೆಯವರೆಗೆ ಒಳಿಯುವ ಸಾಧನವು ಒಂದೇ ಇರೋದು ಪ್ರಪಂಚದಲ್ಲಿ – ವಿದ್ಯೆ.

೧೦. ಸಾವಿನ ನಂತರ ಏನಾಗುತ್ತೆ ಅನ್ನೋ ಪ್ರಶ್ನೆಗೆ ಉತ್ತರವೇ ಬದುಕು?

Advertisements

Read Full Post »

೧. ಜಗತ್ತೆಲ್ಲಾ ಸುತ್ತಬೇಕೆಂದುಕೊಂಡ ಬುದ್ದಿವಂತ ಆಗಸಕ್ಕೆಬಳ್ಳಿ ಕಟ್ಟಿ ನೇತಾಡಿದನಂತೆ. ಹೇಗೂ ಭೂಮಿ ತಿರುಗುತ್ತದಲ್ಲ.

೨. ಜೀವನವೆಂದರೆ ಜೀ-ವನ (ಮನಸಿನ ಕಾಡು ,ಜೀ ಅಂದರೆ ಮನಸು ಎಂದರ್ಥ ಹಿಂದಿಯಲ್ಲಿ) ವೋ, ಅಲ್ಲ ಜೀವ-ನ(ಜೀವವಿಲ್ಲದಿರುವುದು)ವೋ?

೩. ಊರಲ್ಲಿರುವ ಮಕ್ಕಳೆಲ್ಲರ ಜಾತಕ ಬರೆದ ಜ್ಯೋತಿಷಿ ತನ್ನ ಮಗನ ಜಾತಕ ಬರೆಸಲು ಪಕ್ಕದೂರಿಗೆ ಹೊರಟನಂತೆ.

೪. ಬೆಳ್ಳಗಿರುವುದೆಲ್ಲಾ ಹಾಲಲ್ಲ. ಕೆಲವೊಮ್ಮೆ ಮಜ್ಜಿಗೆಯೋ, ಸುಣ್ಣದ ನೀರೋ ಆಗಿರಬಹುದು.

೫. ಸಮಾಜಕ್ಕೆ, ದೇಶಕ್ಕೆ, ಜಾತಿಗೆ ಹೆದರದವನು ಚಿಕ್ಕ ಮನಸಿಗೆ ಹೆದರಿದನಂತೆ.

೬. ದಣಿದು ಬಂದ ಗಂಡನಿಗೆ, ಹೆಂಡತಿಯ ಸಿಡುಕಿನ ಬೈಗುಳ ಕೇಳಿದಾಗ ಮದುವೆಗೆ ಸಾಕ್ಷಿಯಾದ ಅಗ್ನಿಯ ನೆನಪಾಯಿತು.

೭. ರಾತ್ರಿ ನಿದ್ದೆ ಬರದೆ ಹಗಲಲ್ಲಿ ಮಲಗಿದಾಗ ಕಾಣುವುದೇ ಹಗಲುಕನಸು?

೮. ಅಕ್ಷರಕ್ರಾಂತಿ, ಧವಳಕ್ರಾಂತಿ, ಆಹಾರಕ್ರಾಂತಿ ಮಾಡ ಹೊರಟವನಿಗೆ ಮನೆಯಲ್ಲಿನ ತನ್ನೊಡತಿಯ ಕ್ರಾಂತಿಗೆ ಉತ್ತರ ಸಿಗಲಿಲ್ಲವಂತೆ.

೯. ಬದುಕೊಂದು ಸಿನೆಮಾದಂತೆ ನಿನಗೆ ನೀನೇ ನಾಯಕ. ಉಳಿದವರೆಲ್ಲರು ಖಳನಾಯಕರು, ಪೋಷಕನಟರು.

೧೦. ಇಷ್ಟವಿಲ್ಲದೇ ಬಲವಂತಕೆ ಮದುವೆಯಾಗುವವನಿಗೆ ಹೂಮಾಲೆ ಯಮನ ಶೂಲದಂತೆಯೂ, ಮೃಷ್ಟಾನ್ನದೂಟ ತಿಥಿಯೂಟದಂತೆಯೂ ತೋರಿತು.

Read Full Post »